Taumarumaru

Taumarumaru ko te ra
Ka rapa nga mahara
Kei whea ra koe, e ngaro nei
E hine e ia
Kei te kai kino te aroha
I te ao, i te po, i nga wa katoa
 
Moe iho i te po
Whiti rere tonu ake
Ko to tinana
E tu ana mai
Awhi kau atu au
Ka ea nga wawata
Oho ake i te ao
He moemoea
 
Ahau ka takoto
Ka titiro whakarunga
Ki nga kapua o te rangi
E rere ana mai
Ano he kawe kupu
E hine e ia
Ki te kore e painga
Me mutu noa